Vígsla á nýju vallarhúsi

Víglundur Páll, formaður

Það eru margar stóru stundirnar í starfi hvers Ungmennafélags og ein slík var hjá Einherja síðastliðinn laugardag þegar nýtt vallarhús var vígt með viðhöfn. Þetta var hátíðleg stund sem lengi verður í minnum höfð, veðrið gott og andinn sem ríkti á svæðinu einstakur. Ný útsetning á Einherjalaginu frumflutt og einlægar ræður fluttar í tilefni dagsins.

Í tilefni dagsins bárust félaginu höfðinglegar gjafir og fyrir þær ber að þakka. Hrönn Róbertsdóttir færði félaginu málverk eftir Héðinn Þór, málað í Einherjalitum sem á eftir 

að finna stað í nýja húsinu. Ingólfur Sveinsson afhenti formanni félagsins, Víglundi Páli, peningagjöf frá Mælifelli í tilefni dagsins en sú gjöf var viðbót við áður veittan styrk frá fyrirtækinu sem hefur verið okkur innan handar í áraraðir. Við þökkum kærlega fyrir okkur og ykkur sem komuð á staðinn fyrir samveruna.

Stjórn Umf. Einherja