Skíðaganga, getraunastarf, kaffi og kruðerí

Bjartur Aðalbjörnsson skrifar:

Á morgun, laugardag, ætlum við að hafa líflegt hjá okkur á íþróttasvæðinu. Gönguskíðafæri á svæðinu er með ágætum þessa dagana og vonandi verður það þannig á morgun. Þess vegna viljum við bjóða gönguskíðafólki að nýta sér vellina til göngu. Á neðri vellinum verður troðin braut allan stóra hringinn en einnig getur fólk nýtt sér efri völlinn. 

Einherjaheimilið verður opið gönguskíðafólki, sem og öðrum gestum og gangandi, frá kl. 9 til 14. Þar getur fólk nýtt sér búningsklefa, salernisaðstöðu og þegið heitt kaffi og kruðerí eftir erfiða göngu. Vonandi verða aðstæður góðar til skíðagöngu.

Klukkan 11 hefst svo getraunastarfið - venju samkvæmt - og hvetjum við fólk til þess að líta við og kynna sér starfið. Við þurfum nauðsynlega að fjölga í hópnum. 

Vonumst til að sjá sem flesta!