Mjólkurbikarinn að hefjast

Næstkomandi laugardag mætir karlalið Einherja liði Sindra frá Höfn í Hornafirði. Leikurinn er fyrsti leikur Mjólkurbikarsins en keppnin hefst óvenju snemma í ár vegna HM í fótbolta í júní. 

Leikurinn á, samkvæmt vef KSÍ, að fara fram á Sindravöllum en verður líklega færður á gervigrasvöll í Fjarðabyggð eða á Héraði. Sigurvegarar leiksins mæta Leikni frá Fáskrúðsfirði í næstu umferð. 

Hópur Einherja er stór þetta árið en 24 leikmenn hafa æft og leikið með liðinu á undirbúningstímabilinu og koma þeir allir til með að berjast um sæti í liðinu í sumar.