Mjólkurbikarævintýrin gerast enn!

Nú rétt í þessu lauk leik Einherja og Sindra í Mjókurbikar kvenna. Leikið var á Fellavelli en þetta var fyrstu leikur kvennaliðsins þetta sumarið. 

Gabríela Sól kom Einherja í 1-0 í fyrri hálfleik  og stóðu leikar þannig í hálfleik. Sindrastúlkum tókst að jafna metin í seinni hálfleik en Gabríela var svo aftur á ferðinni undir lok leiks þegar hún tryggði Einherja 2-1 sigur.

Einherjaliðið mætir Fjarðabyggð/Hetti/Leikni í næstu umferð - þriðjudaginn 22. maí.

Það er ljóst að árið 2018 er mikið bikarár fyrir Einherja en meistaraflokkur karla komst alla leið í 32-liða úrslit. Er annað Mjólkurbikarævintýri framundan?