Meistaraflokksfréttir

Bjartur Aðalbjörnsson skrifar:

Það er kominn ágúst. Sólin lækkar á lofti, skólar fara að hefjast og sumarið líður undir lok. Fótboltasumarið er þó langt frá því að vera búið.

Um síðustu helgi sótti Einherji Kórdrengi heim í Safamýrina. Kórdrengir virðast vera með yfirburðalið í deildinni og sitja einir á toppi hennar. Það fór svo að þeir lögðu Einherja örugglega; 3-0. Nú situr Einherji í sjötta sæti með 23 stig.

Leikmannahópurinn hefur ekki verið fullmannaður undanfarið en Kolev tók út bann í síðasta leik. Fyrirliðinn, Bjartur, er frá vegna meiðsla í mjöðm og óvíst hvort hann leiki meira með liðinu í sumar. 

Næsti leikur liðsins er hér heima á laugardag. Þá koma Vængir Júpíters í heimsókn. Þeir sitja í fjórða sæti deildarinnar með 28 stig. Fyrri leik liðanna lauk með 3-0 útigri Einherja. Mætum á völlinn á laugardag og styðjum við bakið á drengjunum okkar. Leikurinn hefst kl. 14.