KF sóttir heim á Ólafsfjörð í kvöld

Hart barist í leik liðanna á Ólafsfirði 2018

Bjartur Aðalbjörnsson skrifar:

Núna eftir hádegið heldur meistaraflokkur karla norður yfir heiðar - alla leið til Ólafsfjarðar. Klukkan sjö í kvöld verður flautað til leiks í leik KF og Einherja. 

​Síðustu ár hafa leikir þessara liða einkennst af mikilli baráttu og dramatík. Leikirnir hafa verið jafnir og mikil skemmtun enda má segja að um grannaslag sé að ræða. 

Fyrir leik kvöldsins situr Einherji í 6. sæti deildarinnar með 14 stig en Einherjar gerðu 1-1 jafntefli við Augnablik, heima, á laugardag. KF eru í 3. sæti deildarinnar með 22 stig og burstuðu Reynismenn í Sandgerði, 5-1, á laugardag. 

Við hvetjum Vopnfirðinga að sjálfsögðu til að fjölmenna á Ólafsfjörð og styðja strákana okkar!