Fréttir af æfingum í skugga samkomubanns

Bjartur Aðalbjörnsson skrifar:

Hér að neðan er yfirlýsing frá stjórn Einherja:

Í ljósi þess að samkomubann tekur gildi á miðnætti annað kvöld er mikilvægt að huga að æfingum félagsins. Eins og þetta lítur út í dag er félaginu heimilt að halda úti æfingum ef iðkendur eru færri en 20 í hóp. 

​Við munum halda okkar striki þangað til annað kemur í ljós. ​Hins vegar er staðan endurskoðuð daglega og því munum við líkt og aðrir vera á varðbergi. Við tökum þessu alvarlega og munum fara eftir tilmælum almannavarna og landlæknis. Stjórn félagsins mun um helgina fara yfir æfingatöflu og eru líkur á að hún verði með breyttu sniði, jafnvel færri æfingar og styttri til að koma i veg fyrir að hópar blandist.