Breytt plan: barsvar og leikmannakynning

Bjartur Aðalbjörnsson skrifar:

Vegna óviðráðanlegra orsaka verður ekki mögulegt að halda kótilettukvöldið sem átti að vera í kvöld. Ástæðan fyrir því er að kjötið kom ekki í hús í tæka tíð. Fjörið verður þó til staðar því Einherji boðar til Kick off-partýs í félagsheimilinu Miklagarði í kvöld. 

Barinn verður opinn og verður húsið opnað kl. 21. Barsvar - þar sem þemað er Einherji - hefst svo fljótlega í framhaldi af því og leikmannakynningin verður einnig á sínum stað ásamt leikmönnum meistaraflokks karla. Þá verður einnig hægt að panta ársmiða, afmælistreyju eða afmælispeysu og skrá sig fyrir áheitum. Aldurstakmark er 16 ára til 23:00, en 18 ára eftir það. 

Sjáumst í kvöld og hitum upp fyrir tímabilið í heild og fyrsta heimaleik sumarsins, sem er á morgun klukkan 14:00!