aSHLEY CIVIL ER NÝR ÞJÁLFARI MEISTARAFLOKKS KARLA

Bjartur Aðalbjörnsson skrifar:

Ungmennafélagið Einherji og Bretinn Ashley Civil hafa náð samkomulagi um að Ashley taki að sér þjálfun meistaraflokks karla sumarið 2020. 

Ash er 28 ára gamall og hefur þrátt fyrir ungan aldur komið víða við. Hann hefur þjálfað í Kína, Nígeríu, Bandarikjunum og Tælandi auk heimalandsins. Auk reynslunnar er Ash með UEFA-A þjálfaragráðu.

Ash hefur störf strax og er væntanlegur til Vopnafjarðar í janúar. Hann lýsir sjálfum sér sem gríðarlega metnaðarfullum þjálfara sem leggur mikið á sig og gerir sömu kröfur til leikmanna. 

Félagið bindur miklar vonir við Ash og hlakkar til samstarfsins og komandi sumars.