Þó svo að skipulagðar upptökur hafi ekki alltaf verið til staðar hjá Einherja er mikið lifandi myndefni til af leikjum meistaraflokka karla og kvenna. Elstu upptökurnar sem Einherji á eru frá níunda áratugnum en félagið er alltaf að leita að meira efni í safnið. Eitthvað kann að leynast á heimilum gamalla einherja.

Undanfarin sumur hafa Kristján Magnússon og Enok Örn Pálsson, velunnarar Einherja, lagt á sig mikla vinnu við að taka upp leiki meistaraflokkanna. Eitthvert efni hefur glatast á undanförnum árum en því sem til er hefur verið safnað saman á youtube-síðu Einherja. Aðgangurinn kallast Einherji TV og er markmiðið með stofnun aðgangsins að þar verði öllu lifandi myndefni félagsins safnað á einn stað.